Player Announcement
Here our Team Captain Ko Ko Ye. He will lead our Team to get good results at up coming Over 30 Futsal Competition Cup.
ဒီနေ့ မိတ်ဆက်ပေးချင်တာကတော့ ကျနော်တို့ Cygnus FC ရဲ့ ကစားသမား ကိုကိုရဲပဲ ဖြစ်ပါတယ်။ အသင်းရဲ့ အသင်းခေါင်းဆောင်လည်း ဖြစ်ပါတယ်။ ရဲရဲချစ်ပြီး ရဲရဲ အသည်းကွဲရဲတဲ့ ကိုကိုရဲ ဟာ အသင်းရဲ့ ရဲရင့်ခြင်း ပြယုဂ် တခုပါပဲ။ ရဲရဲချစ်၊ ရဲရဲ အသည်းကွဲရဲပေမယ့် ကောင်မလေးတွေနဲ့ ပတ်သက်လာရင်တော့ ခုထိ မရဲတရဲ ဖြစ်နေဆဲပါ။
အသင်းကို အကောင်းဆုံး ဦးဆောင်မှုတွေ လုပ်ပေးနိုင်တဲ့ အပြင် အသင်းသားတွေရဲ့ လိုအပ်ချက်၊ အားနည်းချက်တွေကိုလည်း တတ်နိုင်သလောက် ဝေဖန် ထောက်ပြ ပြင်ဆင်ပေးလေ့ ရှိပါတယ်။
အသင်းသား အချို့က သူ့ကို ငုယင်ကိုငြင်း လို့လည်း ခေါ်ကြပါသေးတယ်။ ဗီယက်နမ် အမျိုးသမီးအသင်းက ကစားသမား ညီမလေး တဦးကို သဘောကျတဲ့ ကိုရဲအား ဂုဏ်ပြုပြီး ခေါ်ဆိုကြခြင်း ဖြစ်ပါတယ်။ နို့ ဒါဖြင့် ကိုငြင်းကကော ဆိုတော့ ငြင်းတတ်လို့ပါ။ သာမန် မဟုတ်ပါဘူး ရဲရဲကို ငြင်းရဲတာပါ။ အသင်းသားတွေနဲ့ ပတ်သက်ပြီးမှ၊ ကစားနေစဉ်မှ ငြင်းတာ မဟုတ်ပါဘူး။ ကောင်မလေးတွေကိုပါ ငြင်းနိုင်ခဲ့သူမို့ ခုလို အပို ဂုဏ်ထူး၊ ဂုဏ်ပုဒ်နဲ့ ဂုဏ်ပြု ခေါ်ဆိုခြင်း ခံရတာပါ။
Futsal ကစားတဲ့ အခါမှာလည်း ရဲရဲဝင်၊ ရဲရဲထွက် ကစားတတ်သူပါ။ အသင်းသားတွေ သေချာ အားစိုက်ပြီး ကစားကြတာ သူ့ကြောင့်ဆိုတာ အများကြီး ပြောပြနေစရာ မလိုတော့ပါဘူး။ မကြာခင် ကျင်းပမယ့် Over 30 Futsal Competition Cup ပြိုင်ပွဲမှာ အသင်းကို အကောင်းဆုံး ဦးဆောင်မှုတွေ ပေးပြီး အသင်းသားတွေ နှင့်အတူ ပွဲစဉ်တိုင်း အကောင်းဆုံး ကြိုးစား ယှဉ်ပြိုင်သွားမှာ ဖြစ်ပါတယ်။
