Scotland or Switzerland

Euro ပွဲစဉ်တွေ၏ ဒုတိယ အုပ်စု ပွဲစဉ်များထိ ကစားပြီးခဲ့ပြီ ဖြစ်၏။ 2 ပွဲကစားပြီးချိန်ထိ 2 ပွဲလုံးနိုင်ဖြင့် နိုင်ပွဲဆက်ထားသည့် အသင်း 3 သင်း ရှိ၏။ အိမ်ရှင် Germany, Spain နှင့် Portugal တို့ ဖြစ်၏။ Portugal တို့ မနေ့ညက ပွဲစဉ်မှာ Turkiye ကို 0-3 ဖြင့် အနိုင်ရခဲ့၏။ အုပ်စု ဒုတိယပွဲစဉ် ကစားပြီးချိန်ထိတော့ Goat ကြီး Ronaldo ဂိုး မသွင်းနိုင်သေးပေ။ ဂိုး မသွင်းနိုင်ပေမယ့် မနေ့က Fernandes သွင်းယူသွားသည့် ဂိုးက Ronaldo ၏ ဖန်တီးပေးမှုကြောင့်ဟု ဆိုလိုရ၏။ တကိုယ်ကောင်းဆန်ပြီး သူ ကန်သွင်းလို့ ရပေမယ့် ပိုသေချာသည့် Fernandes ကို ပေးလိုက်ခြင်း ဖြစ်၏။

Belgium ကတော့ အုပ်စု ဒုတိယပွဲစဉ်မှာ အနိုင်ကို ပြန်ရှာလို့ တွေ့ခဲ့ပြီ ဖြစ်၏။ ဒီနေ့ မနက် မြန်မာစံတော်ချိန် 1 နာရီခွဲမှာ ကစားခဲ့သည့် ပွဲစဉ်မှာ Romania ကို 2-0 ဖြင့် အနိုင်ရခဲ့၏။ Group E ကတော့ ကြည့်ကောင်းလို့ နေပြီ ဖြစ်၏။ 4 သင်းလုံး 3 မှတ်စီဖြင့် အုပ်စု နောက်ဆုံး ပွဲစဉ်တွေအထိ အကြိတ်အနယ်ရှိ‌ ကြည့်လို့ ကောင်းပေလိမ့်မည်။ Copa America ဖက်မှာတော့ Venezuela က Ecuador ကို 2-1 ဂိုး၊ Mexico က Jamaica ကို 1-0 ဖြင့် အသီးသီး အနိုင်ရသွားခဲ့၏။

ဒီနေ့ညမှာတော့ Euro ပွဲစဉ်များ မရှိပေ။ နက်ဖြန် မနက် 1 နာရီခွဲမှသာ ရှိပေလိမ့်မည်။ အုပ်စု နောက်ဆုံးပွဲစဉ်များ ဖြစ်သဖြင့် တချိန်ထဲ တပြိုင်နက်ထဲ ကစားကြ ပေလိမ့်မည်။ အိပ်ပျက်ခံနိုင်ရင် ကြည့်ပေါ့ဟုသာ ပြောရပေလိမ့်မည်။ Group A ပွဲစဉ်တွေတော့ မကြည့်တော့ပါဘူးလေဟု စိတ်လျော့လိုက်၏။ နောက်ရက်တွေမှပဲ ကြည့်ပါတော့မည်။

Scotland vs Hungary နှင့် Switzerland vs Germany တို့ ကစားကြမည် ဖြစ်၏။ Switzerland ကော Germany ကော နှစ်သင်းလုံး နောက်တဆင့် တက်နေပြီဟု ပြောလို့ရ၏။ သရေကျခဲ့မယ်ဆိုရင် Germany က အုပ်စု ပထမ၊ Switzerland က အုပ်စု ဒုတိယရမည် ဖြစ်၏။ Scotland က Hungary ကို ဂိုးပြတ် နိုင်ပြီး Switzerland ကသာ Germany ကို ရှုံးသွားခဲ့ရင်တော့ Scotland က အုပ်စု ဒုတိယဖြစ်သွားမည် ဖြစ်၏။ Switzerland က အကောင်းဆုံး အုပ်စု တတိယနှင့် နောက်တဆင့် တက်မည် ဖြစ်၏။

Switzerland vs Germany ပွဲ ဘယ်လို ပြီးပြီး Scotland အဖို့ Hungary ကို အနိုင်ကစားမှသာ နောက်တဆင့်သို့ တက်နိုင်မည် ဖြစ်၏။ Group A ၏ အုပ်စု နောက်ဆုံး ပွဲစဉ်များ အပြီးမှာ တဆက်ထဲ ကြည့်ရှု အားပေးလို့ရတာက ထုံးစံအတိုင်း Copa America ပွဲစဉ်တွေ ဖြစ်၏။ မနက် 4 နာရီခွဲမှာ USA vs Bolivia နှင့် မနက် 7 နာရီခွဲမှာ Uruguay vs Panama တို့ ယှဉ်ပြိုင် ကစားကြမည် ဖြစ်၏။

(photos from Euro Facebook page)